Aksar HR se interview ke liye call aane pe hum khush ho jaate hain aur bina kisi taiyyari ke interview dene pahunch jaate hain ya online interview ke liye baith jatey hai. Isi lack of preparation ki wajah se kai bar candidates galtiyaan kar bethte hain aur unka interview ekdum kharab ho jata hai, aur job opportunity haath se phisal jaati hai.
Nervousness feel ho rhi hai? Chaliye, hum aapko bataate hain interview se ek din pehle kya karna chahiye jo aapko confident feel kara sake:
1. Print your resume
Aapko apne resume ki photo copies hamesha ready rakhni chahiye. Iss kaam ko last minute ke liye mat rakhiye. Interview ke at least ek din pehle apne resume ki photocopies ready kar lijiye.
2. Read Job description and company address
Aapne jis job ke liye ke liye apply kiya tha, uska JD (Job Description) acche se padhna chahiye jisse aapko uss job ki duties aur responsibilities acche se pata chal jaayen aur agar kuch doubt ho toh aap interviewer se clear bhi kar paayenge.
3. Check company address
Aapko company details ke alava uska address bhi check karna chahiye jisse aapko pata chal jaaye ki company location kitni dur hai aur whan pahunchne mai kitna time lagega. Agar aapko location pata nahi hai, toh apne smartphone ke map mai location set kar lijiye jisse interview ke din koi uncessary stress aapko pareshan na kare.
4. Research about the company
Company ke baare mai internet ya apne sources se puri information gather karein, for eg. company kitni purani hai, kitni badi hai, uski kya kya services hain, kitne offices hain, kaise customers hain etc. Ye sab information aapko interview ke sawaalo ka jawaab dene aur interviewer se questions puchne mai bhi help karti hai.
5. Prepare your questions
Aksar interview ke end mai candidate ko sawaal puchne ko kaha jaata hai. Bahut se candidates ya toh kuch bhi puchh nahi patey, warna kuch bewajah ke sawal karte hain aur HR nakhush hotey hain unn sawalon se. Interview ke ek din pehle hi aap apne sawaal soch lein: compoany se related sawal, aapki job ki roles and responsibities, company ke terms & conditions – such questions shows your interest in the job!
6. Pick out your outfit
Jab aapko interview ke liye nikalna hota hai toh kai baar aapko sahi kapde chun ne, dhundhne aur unhe iron karne mai kaafi time lag jaata hai, jisse aap interview ke liye late bhi ho jaate hain aur panic mode mai bhi aajate hain. Interview se pehle ye condition bilkul sahi nhi hai, isliye apne formal clothes chun ke, dho ke aur iron kar ke rakhein interview se ek din pehle.
7. Pack your bag
Aapko interview mai kaam aane waali har chiz ek din pehle apne office bag mai pack kar leni chahiye jisse aapka interview se pehle zra bhi time na waste ho. Aisi kuch khaas chizen hain aapke resume ki copies, pen, educational marksheets & certificates, job related documents (salary slips, relieving letter, increment letter, appreciation letter etc.)
8. Relax & go to bed early
Finally aapko khud ke baare mai positive soch rakhni chahiye aur fir jaldi so jaana bhi chahiye jisse aapko sufficient rest mil sake aur agle din aap interview ke liye fresh aur energetic feel karein.
Aap interview mai hone wali kuch commmon mistakes avoid karne ke liye padh sakte hain “Avoid these 5 interview mistakes” aur job dhundne ke liye try karein apna app. Iss app ke dwara kuch hi minutes mein directly HR ko call kar ke aap apna interview fix kara sakte hain.
All the best for a great career!
