Kaam ke kshetra mein English hamare desh ki sabse useful language hai. English ki knowledge hone se job milne ke chances kaafi zyada ho jaate hain. Lekin agar aapki English kamzor hai toh chinta ki koi baat nahi. Aajkal is language ko seekhne ke kai anokhe methods hain jiske dwara aap apni English kaafi strong bana sakte hain.
Aisa ek bada hi interesting method hai, English movies dekhna. English movies dekhne se aapko manoranjan ke saath saath naye English words, sentence formation, sahi grammar, aur correct pronounciation…yeh sab bhi seekhne ko milega.
Hum leke aye hain TOP 10 English movies to learn the language better!
1.The Social Network (2010)
Agar aap janna chahte hain ki duniya ka sabse popular platform Facebook kaise banaya gaya aur Mark Zuckerberg ne kaise apne college se shuruwaat kar ke itni unchai hasil ki toh ye movie zarur dekhiye. Ye award-winning movie Mr. Aaron Sorkin ne likhi hai jo apne natural aur funny dialogues ke liye jaane jaate hain. Aur kyunki aap sabhi Facebook use karte hai toh is movie mai aapko interest aayega aur isme aapko computers & technocology se related naye naye words seekhne ko milenge. Isse aapki vocabulary badhegi aur saath hi aap is movie ke jaane-pehchaane topic ki wajah se movie mai poori tarah involved rahenge aur har dialogue samajh payenge.
2. Toy Story (1995)
Toy Story ek badi hi hit aur sabki pasandida movie hai kyunki ye ek aisi animated movie hai jo baccho ke saath saath bade logon ko bhi entertain karti hai. Iski vocabulary aur dialogues bhi samjahne mai kaafi simple hai kyunki aisi movies baccho ki simple understanding ke hisab se banayi jaati hain. Toh aap isse aasani se English words seekh payenge.
3. The Hangover (2009)
Ye chaar doston ki kahaani hai jo Las Vegas mai bachelor party karne jaate hain. Ye movie aapko isliye dekhni chahiye kyunki sabse pehle toh ye ek badi hi funny movie hai jiski comedy apko hasati rehegi, aur iske visuals se dialogues samajhne mai aasani hogi.
4. The King’s Speech (2010)
Ye ek Oscar winning film hain. Isme King George VI ki kahaani dikhai gayi hai. England ke iss Raja ko ek speech problem hoti hai aur woh is problem ko kaise theek karte hain unke pehle wartime radio broadcast se pehle – Yehi movie ka saransh hain aur is movie se aapko British pronunciation seekhne mai help milegi. Iss movie se English bahut hi clear tareeke se seekh payenge kyunki ye puri movie hi isi pe based hai ki sahi English kaise bolen.
5. Cast Away (2000)
Ye ek American adventure drama hai jisme actor (Tom Hanks) ek island pe fas jata hai aur wahan fir 4 saal tak kaise survive karte hai. Ye movie English seekhne ke liye isliye acchi hai kyunki isme zyadatar dialogues slow monologues ke roop mai hain, jo samajhna bahut hi asaan hain.
6. Forrest Gump (1994)
Forrest Gump ek bahut hi emotional story hain jahan ek dimaag se kamzor lekin dil se achhe character ki zindagi dikhayi gayi hain.o Forrest apni kamzori ke bawajood kai bade events mai shamil hota hai aur success achieve karta hai. Is movie se English seekhna isliye aasan hai kyunki ek toh ye funny hai aur isme Forrest Gump kaafi slow English bolta hai jo samajhna kaafi asaan hoga!
7. The Hunger Games (2012)
Ye ek aise desh ki kahaani hai jahan har saal Hunger Games naam ka ek competition mai koi 2 log chune jaate hain jo apne area/region ko represent karte hain. Toh ek bar ek 16 saal ki ladki uske liye chuni jaati hai aur usko kaise training di jaati hai, aur kaise woh yeh khatarnaak competition se bach ke nikalti hain – yehi hain iss movie ki kahaani.. Is movie mai aapko simple English ke dialogues milenge aur agar na bhi samajh paaye toh iske interesting visuals se aap apne aap story samajh sakte hain.
8. The Theory of Everything (2014)
Ye mahaan scientist Stephen Hawkins ki kahaani hai jisme unki wife aur unki bimari ke baare mai bataya gaya hai. Is movie mai puraane zamaane ki upper-class British English use ki gayi hai jo kaafi clear aur correct hoti thi. Stephen Hawkins ek adbhut bimari ke wajah se wheelchair pe aajata hain aur unko bolne ke liye ek machine ka sahaara lena padta hai jisse wo slow English hi bol paate hain. Iss machine ke madad se jo English conversation dikhayi gayi hain movie mein, isse aap asani se English samajh payenge!
9. Twilight (2008)
Ye movie ek aam ladki aur ek vampire ki love story aur unke challenges ki kahaani hai, jo apne aap mai kaafi interesting theme hai. Ye movie teenagers ke hisab se banai gayi hai isliye isme aap daily use ki English paayenge jo aapko movie se baandhe rakhegi aur kaam ki words bhi sikhayegi.
10. Harry Potter (2001-2011)
Harry Potter series mein 8 films hai, jo author J.K. Rowling ki books pe banai gayi hai. Harry Potter duniya ke biggest hit movie series mein se ek hain. Ye movie English seekhne ke liye best movies mai se hai kyunki isme kaafi simple English use ki gayi hain. Magical duniya ka maza lene ke saath saath aap apni English kaafi hud tak improve kar sakte hain with Harry Potter!
