Kya aapka job interview nazdiik aa raha hai? Kya aapko interviews mein confidence ki kami mehsoos hoti hain?
Agar aap interviews de rahe hain lekin aapko kahin se bhi positive response nahi aa raha hai, toh dekhiye kahin aap yeh 5 galtiyan toh nahi kar rahe hain!
1. Interviews mein late hona
Punctuality ek bahut hi important quality hai jo recruiters ko kaafi impress karti hai. Koi bhi interview ho…online ya face to face, time pe interview ke liye haazir hona zaroori hai. Agar delay recruiter side se ho jaaye, toh shaant rahiye aur HR ko politely ‘It’s Ok’ bol ke interview dene ke liye taiyar ho jaiye!
2. Appearing unpolished
Interview ek formal conversation hota hai. Isiliye apne aap ko presentable aur well-groomed hokey interviewer ke samne aayein. Casual kapde pehen ke, bikhre baal ya unshaved beard ke saath kabhi bhi interview ke liye na baithe. HR ya interviewer ko aisa kabhi nahi lagna chahiye ke aap iss interview ko casually le rahe hain! Be smart, feel smart, and sit for your interview with confidence!
3. Not having your resume handy
Resume aapka career ka ek important document hain. Bahut se job seekers, interview ke samay ye galti karte hain – Apne saath apna resume carry nahi karna. Ye soch lena ki resume toh HR ke paas hoga hi bahut galat hai. HR ke pass resume ho ya na ho, aapke paas interview ke waqt resume ka hona bahut hi zaroor hai – aapke reference ke liye!
4. Appearing unprepared
Kai bar candidates bina kuch tayyari kiye hi interview dene pahunch jaate hain, aur interviewer ke saamne unprepared dikhte hain. Isse confidence level bhi kam ho jata hai aur recruiter pe kaafi bura impression padta hain. Interview se pehle company ke baarey mein jaankari haasil karein aur kuch important interview questions ki tayyari bhi kar ke hi go for the interview.
5. Talking only about yourself
Kuch candidates ye galti karte hain ki wo sirf apne baare mai baat karte hain ki wo kya chaahte hain, kaise unko us role aur experience se fayda milega, etc. Apko company related baatein bhi karni chahiye aur samjhhaye ke company ko aagey badhane mein aapka experience kaise kaam aayega.
Aisi kuch galtiyon ko sudhar lijiye for your next interview..
Agar aap jobs dhund rahe hain toh explore kijiye apna app- India ka best app for career and personal growth. Yahan aap 15 mins mein apni pasandida job dhund ke HR ke saath apna interview fix kar sakte hain.
